Katumanan sa pangandoy

Ang mamahimong usa ka diakono usa ka dakong katumanan sa usa ka seminarista nga nagdala og dakong responsibilidad dili lang sa iyang kaugalingon kundi apil pod sa mga katawhan ni Kristo.

Si Brother Ruperto Jamili, Jr. nga gikan sa parokya sa Calinan ang usa sa mga kandidato nga ordinahan aron mamahimong diakono karong Setyembre 2 sa San Pedro Cathedral.

Pero sa dilil pa niya madawat kining katumanan mao kini ang mga ka agi niya. Sa bata pa lang siya ang nahimong inspirasyon Bro. Ruperto aron mahimong seminarista kay ang makita niyang mga bisti o satana sa mga altar boy sa ilang parokya samtang naga-serve. Ug sa mga nilabay na mga adlaw naningkamot siya hangtod nahimo na siyang usa sa mga altar boys sa ilang parokya. Nagpadayon siya sa paghalad iyang kinabuhi sa Ginoo ug misulod siya sa seminaryo pagka graduate niya’g high school.

Samtang naa na siya sa sulod sa seminaryo gibati siya og kamingaw sa iyang pamilya kay mao kani ang unang higayon nga milayo siya sa iyang mga ginikanan.

Samtang nagkadugay siya sa sulod nahimo na niyang maka-adjust sa kinabuhi sa usa ka seminarista ug nahimo siyang malipayon. Siya nahimatngon nga iyang ginahigugma iyang ginabuhat maong nakalahutay siya.

Sa kinabuhing pagka-pari puhon daghang mga sakripisyo nga kinahanglan niyang buhaton nga mao usab iyang gipangandoy nga mulahotay.

Sumala pa ni Brother Ruperto Jamili nga ang mga ginikanan dapat mapasinati sa ilang mga anak ang tinud-anay na gugma. Dugay pa niya nga angay higugmaon og taman ang ilang mga anak kay masulbad gyud ang tanan diha sa gugma.

Giingon usab niya nga angay dasigon sila nga mahimong mga maayong tao diha sa atoang katilingban aron magdako ang ilang mga anak na mahigugmaong mga Kristiano. (Terrence Arguelles)