29 mitapos sa SKP2

Human sa 17 ka semana (weekends) nga espiritwal ug Psycho-social nga interbensyon, mitapos ang 29 ka mga persons in recovery (PR) sa Sagop Kinabuhi Program 2 (SKP 2) sa St. Joseph Parish-Patron Saint of Workers, Sasa.

Ang Moving Up gipahigayon niadtong Hulyo 28, 2019, Domingo, nga gisugdan sa Misa nga gisaulog ni Rev. Fr. Leonardo A. Dublan, Jr., ang Parish Priest ug ASAC Director.

Mipadayag sa panghinaot si Fr. Dublan nga magpabilin ug ipadayon ang mga umaabot nga mga sesyon sa mga PR.

“Ngadto usab sa mga parokyano ilabina niining persons in recovery sa atong katilingban, atong tabangan ug dawaton kay kini ang atong misyon nga gisangon sa Diyos,” pamahayag niya.

Pagkahuman sa Misa adunay mga kalihukan nga gihan-ay didto nahitabo sa Holy Cross College of Sasa, Inc. sama sa mga parlor games, fellowship ug paghatag sa mga rewards.

Mitambong ang pamilya sa Persons In Recovery, mga Pangulo sa Alagad, ug Mitambong usab si Jun Panes nga representative sa Tesda, ug mga representatives sa Brgy Sasa, Brgy. Hizon ug Brgy Pampanga.

Mapasalamaton si Jun Panes sa Simbahan, sa pagpahigayon ug programa nga nagatubag sa panginahanglan sa sosyidad.

“Ang gihimo nga Moving up usa ka matang sa pagtapos sa unang bahin sa ilang mapadayonon nga rehabilitasyon. Human niini ipatigayon ang pag-atiman sa Sober Life. Laing kalihukan nga makatabang kanila sa ilang paglambo sa Spiritual nga kinabuhi,” saysay ni Dennis Mabayao, trainor ug prime mover. (Amie Desquitado | SJWP SoCCom)