GKK SoCCom Pormasyon Gipahigayon

Matag ika-limang Domingo sa bulan, gipahigayon ang pormasyon ug panagtigom sa mga GKK SoCCom sa Parokya sa St. Mary of the Perpetual Rosary. Ang maong panagtigom gipahigayon niadtong June 30, 2019 sa alas nueve sa buntag hangtod alas onse y medya diha sa PSK hall.

Gisugdan ang kalihukan pinaagi sa pag-fill up sa personal profile sa mga GKK SoCCom diin mao kini ang basehanan sa umaabot nga sending forth. Usa sa mga tumong sa mga input panahon sa pormasyon ug panagtigom mao nga ang tanang GKK SoCCom mobalik pag-attend sa mga pormasyon ug mga basic seminars kay mao kini ang usa sa mga requirements sa renewal ug sending forth matod pa sa Kura Paroko, Fr. Dionisio Tabiliran.

Pormal nga gi-abli ang pormasyon ug panagtigom sa mga GKK SoCCom pinaagi sa para-liturgy diin gipangulohan ni Jennifer Locob ang opening prayer ug ang pagbasa sa ebanghelyo ni Naldo Villodres. Gi-welcome ni Sis. Hermie Mapute, Parish SoCCom coordinator, ang tanang GKK SoCCom nga nitambong nga nagagikan sa nueve ka sona. Gisunod ang Input ni Fr. Ritsche Gamaya, Director sa ACSC mahitungod sa INTER MIRIFICA. Kini usa ka dekreto sa media sa katilingbanong komunikasyon o paggamit sa media aron sa pagsangyaw sa maayong balita. Ang tumong niini mao ang pagpasabot sa mga GKK SoCCom kung unsa ka importante ang ilang responsibilidad isip usa ka mamahayag diha sa ilang nagkadaiyang katilingban.

Sumala pa ni Maan Almeria sa marketing team ug sa youth apostolate nga daghang pamaagi aron maka suporta sa pagpakaylap sa maayong balita. Ang mga GKK SoCCom dako kaayo ang matabang niini pinaagi sa pagsuporta sa mga programa sa DXGN 89.9 Spirit FM isip mga prayer partners ug ang pagsubscribe sa Davao Catholic Herald newspaper. Tungod niini ang mga GKK SoCCom sa St. Mary of the Perpetual Rosary Parish nagkahiusa sa pagkuha dayon sa mga stickers alang sa P0.25 para sa radyo ko isip suporta. (Richie Lubon | SMPRP-GKK SoCCom)