Finance Council sa Parokya San Miguel-Panacan gimugna

Opisyal nga natukod ang Finance Council sa parokya sa San Miguel-Panacan. Gipamalandungan og taas nga panahon sa amomg kura paroko, Fr. Edsel Paloma, ang gihimong pagpili sa nahimomg sakop sa maong grupo, sanglit naghimo og kaugalingon nga pagsubay sa integridad, kahibalo, edukasyon, ug ang kamatinud-anon sa pagpangalagad sa usa ka mamahimong miyembro sa Finance Council.

Hulyo katorse (14) 2019 mao ang unang higayon nga nagkahimamat ang maong grupo nga gipanguluhan ni Engr. Rudy Sultan usa ka Honorary ug Service Awardee sa parokya.

Pagkahuman sa pag-ilaila gisugdan na dayon ang pormal ug pinaka-unang meeting sa Finance Council. Gipresentar ang Organizational Structure nga gilangkuban sa Parish Priest, Finance Head, Assistant Finance Head, Procurement, Accounting, Disbursement, Cashier, Ways & Means.

Nasabutan sa grupo ang ilang binulan nga miting matag ika-duhang Dominggo sa bulan.

Dako ang papel sa Finance Council tungod kay sila ang gitahasan sa pagbudget ug mangita og pamaagi alang sa mga panginahanglanon sa parokya.

Ang mga miyembro sa Finance Council mao sila:

Finance Head: Engr. Rudy Sultan
Asst. Finance Head: Linda Sultan

Members:

1. Danihlia Gilbuena, CPA
2. Nena Anonas
3. Tessie Barbosa
4. Haide Morden
5. Flor Sison
6. Elena Bertulfo
7. Architect Violy Digal
8. Emma Borinaga
9. Eleonor Pascua

Nagpasalamat si Fr. Edsel Paloma sa pagmugna sa maong grupo. (Liz Gilbuena | SMP Parish Soccom)