Youth Camp sa Malabog nakatandog

Ang San Roque Parish, Malabog nagpahigayon og Summer Youth Camp nga nahitabo sa Seminar Hall gikan Mayo 24-26, 2019 ubos sa temang “Filipino Youth in Mission: Beloved, Gifted, Empowered.”

Kini gisalmotan sa 142 ka nga core group leaders (President, V-President, Secretary, Treasurer, P.I.O.) nga gipadala sa ilang katilingban.

Ang tuyo ug tumong sa maong kalihukan mao ang pagpalawom sa atong nasudnong tema, sanglit karon tuig sa kabatan-onan. Gitagaan og duso ang ilang pagkahinigugma (beloved), ginasahan (gifted), gipiyalan og gahom (empowered).

Sa homiliya ni Fr. Arnold Balaquinto iyahang gitagaan og identity ang mga batan-on.

Maglingaw-lingaw (enjoy), maminaw (listen), magkat-on (learn), magsangyaw (mission), magpasalamat (be thankful) ug tungod niana gitawag sila og MX5.

Aduna usab nahitabo na panagpiliay alang sa bag-ong opisyales para sa maong ministriya. Gitahasan ang mga mingsalmot na ikaylap ang ilang nabati, nadungog ug nakat-onan sa ilahang katilingban o GKK.

Nahuman ang maong atibidades nga puno sa kasadya ug pagkamainiton sa pagsabwag niini sa uban. (Eglory Canete | SRP Malabog SoCCom)