Redemptorist Youth Ministry (RYM) Youth Day 2019

“Filipino Youth in Mission: Beloved, Gifted, Empowered”. Theme sa Year of the Youth nga celebration sa tuig 2019.

Nagkatapok ang sobra tulo ka gatus (300+) ka mga batan-on ug mga altar servers nga sakop sa pito (7) ka sona sa Our Mother of Perpetual Help (OMPH) Bajada alang sa ilang “Youth Day 2019” nga kalihukan niadtong June 9, 2019 gikan sa alas otso (8:00) sa buntag hangtud sa alas nuebe y medya (9:30) sa gabii didto sa SATMI gym sa parokya.

Dasig ang tanan nga miapil sa nagkalain-laing activities nga giandam sa mga Redemptorist Youth Ministry (RYM) of Davao Goal Animators nga sila Jonas C. Lamberte, Asst. Goal Animator, Mark Joshua C. Salmorin, Jade Galero Evangelization Goal Animator, John Paul S. Barreto Human Formation Goal Animator, Katrina Joyce Cloma Mission Goal Animator, John Babol Linkages and Communication Goal Animator.

Kauban usab nila sa maong panahon si Rev. Fr. Jomil S. Baring CSsR-Youth Director-Vice Province of Cebu, Parish Worker Youth Incharge Babino S. Casanaan Jr., ug SATMI seminarian Dan S. Gallamaso. Ang ilang presensiya nakatabang ug dako aron mamahimong malampuson ang maong panagtapok sa kabatan-onan.

Kada sona adunay mga representative nga gipili aron moapil sa mga contest sama sa Poster Making, Quiz Bee, Yphonetography, Larong Pinoy, Booth Making Contest. Ug naminaw usab ang tanan sa input bahin tema sa Year of the Youth nga “Filipino Youth in Mission: Beloved, Gifted, Empowered”. Sa mga tigtambong ug mga Kasaulogan sa Pulong (KSP) review na ni siya tungod kay ang parish team sa parokya nagahatag man usab og input panahon sa pagnovena alang sa tagsa-tagsa nila ka kapistahan.

Pagkahuman sa paniudto nga giandam sa mga GSL sa kada GKK, misunod ang ilang PARADE diin suot nila ang ilang mga Youth Day T-shirts nga naka color coding. Dayon showtime na sa ilang cheers and yells, KPOP alike unya gitapos ang afternoon activities sa usa ka Santos nga Misa.

Human sa Santos nga Misa nag-andam na ang tanan sa ilang kanunay nga gipraktisan ang Kanta, Sayaw, Drama (KASADRA) ug ang search for Mr. & Ms. RYM.

Ang uban gani dili na kasabot sa gikaon kay excited na kaayo o nakulbaan na pud kaayo kay tanan nangandam baya aron makadaog aron maproud pud ang mga GSL sa GKK nga ilang gigikanan. Pero ang pag-daog dili baya gayud mao ang main goal kondili ang pag-enjoy ug pag-cooperate sa tanang mga kalihukan alang sa tanang batan-on.

Mga midaog karong tuiga mao ang Zone 4 alang sa Mr. & Ms. RYM 2019. 1st runner up Zone 6 and Zone 2, 2nd runner up Zone 2 and Zone 6.

Zone 5 alang sa Poster Making Contest, Quiz Bee, ug Yphonetography. Sa Larong Pinoy ang mga Altar Servers (nga hawod diay mangdula bisan ug sigig luhod sa ilang pagserbisyo). Sa Booth Making Contest 1ST Place ang Zone 2, 2nd place ang Zone 1 ug 3rd place ang Zone 4. Sa KPOP alike (uso kaayo ni sa mga batan-on hasta mga batang gagmay) ang Zone 4 ang champion. Sa KASADRA sa ikaduhang higayon Champion ang Zone 6-salamat choreographer Christian Loyola, 2nd place ang Zone 4 ug 3rd Place ang Zone 2.

Congratulations Redemptorist Youth Ministry (RYM), GKKs of OMPH parish and OMPH parish-staff and priest. (Marieta V. Comighud | OMPH Parish SoCCom)