Cebuano Lectors ug Lay Ministers Renewal 2019 – OMPH Bajada

Renewal time para sa grupo sa mga Cebuano Lectors ug mga Lay Ministers niadtong June 23, 2019 atol sa kasaulogan sa simbahan sa “Corpus Christi” (Latin for “Body of Christ”) usa ka Catholic Liturgical Solemnity celebrating the real presence of the body and blood of Jesus Christ, the Son of God, in the elements of the Eucharist – known as transubstantiation.

Sobra sa isa ka gatos (100+) nga mga Cebuano Lectors ang nag-attend sa ilang renewal atol sa alas tres (3:00) sa hapon nga misa samtang ang nobentay otso (98) ka mga Lay Minister naghimo by batch sa ilang renewal sa matag misa sa parokya sa tibuok Domingo.

Ang mga Cebuano Lectors mao ang mga GKK based lectors nga maoy magbabasa sa panahon sa mga kasaulogan sa pulong (KSP) sa matag GKK ug usab magbabasa sa panahon nga adunay GKK mass sponsoring sa parokya sa Our Mother of Perpetual Help.

Kani nga grupo miagi og duha (2) ka pormasyon gikan sa parokya sulod sa usa (1) ka tuig dayon gipaapil og recollection panahon sa Lent ug Advent para mas mafeel gyud nila ang kamahinungdanon sa ilang napili nga ministriya isip magsasangyaw sa pulong sa Diyos. Matod pa ni Sharon Batoto, “policy nga nauyonan sa tanan nga ang dili makatambong og recollection dili puwede nga moapil sa renewal.” “No Recollection No Renewal” policy gina-observe dili lamang sa mga Cebuano Lectors kondili apil usab ang laing mga ministriya sa simbahan.

Adunay pito (7) ka mga zonal coordinator ang matag zona. Sa pagkakaron Zone 1 coordinator si Joan Tan, Zone 2-Lydia Manglicmot, Zone 4-Lolita Mantilla, Zone 6-Lorna Diego, Zone 7-Leah Pamugas. Overall incharge nila si Lolita Mantilla samtang si Sharon Batoto mao ang parish worker incharge.

Kaning grupo sa mga Cebuano Lectors mao ang pinaka-mixed group sa tanan tungod kay apil diri ang mga Pangulo sa Katilingban (PSK), mga SocCom, Finance, Women’s, Parish Formation Team, Pangulo alang sa Panglawas (PSP), mga katekista, youth ug uban pa. Basta ang importante diri is aduna sila’y mga training para dili na makuyawan sa panahon nga sponsor na ang ilang GKK sa parokya. Dili na magtinudloanay kinsa ang mobasa kay rotation na. Kasagaran nga ginasunod is ang pinakahawod na nga mobasa mao ang pabasahon sa parokya tungod kay dili na siya mahadlok nga moatubang sa daghang tawo nga nanambong sa misa. Praktis lang usa sa mga KSP sa kada GKK kay didto gamay-gamay ra man ang tawo ug halos mga kaila ra usab nimo so makasabot ra sila ug makulbaan man galing.

Sa tanang nagrenewal nga Cebuano Lectors ug mga Lay Ministers hinaot ang dugang usa (1) ka tuig nga gihatag kaninyo maghatag kaninyo og bag-ong kusog ug inspirasyon sa pagpadayon sa inyong napiling ministriya. Congratulations and God bless! (Marieta V. Comighud, Parish SoCCom Coordinator | Photo: Sharon Batoto)