Bag-ong Pari naordinahan sa Diocese sa Tagum

Nagmalampuson ang seremonyas sa pagdawat ni Rev. Fr. Jan Charles Español sa ordinasyon sa pagkapari niadtong Mayo 21, 2019 didto sa Parish of Christ the Eucharistic King.

Ang maong seremonyas, gipangulohan ni Bp. Medil Aseo kauban ang kapin gatosan ka mga kaparian sa Diocese of Tagum, ginikanan, pamilya, kaparyentehan ug mga tawong nahimong kabahin ni Fr. Español sa iyang paglawig sa dalan padulong sa pagkapari.

Matod pa ni Fr. Español dili dali para kaniya ang pagdawat sa maong sakramento kay kini adunay taas nga proseso gikan sa pag-eskwela sa kolehiyo, paggawas aron manarbaho ug ang pagbalik pag usab. Nakaingon siya nga dili lalim sa tawhanon ug espirituhan ang mamahimong pari kelangan pa kani og pagpangandam sa kaugalingon, pag-ampo, ug pagpamalandong aron makab-ot ang tubag diha sa imong kasing-kasing.

Ug sa iyang pagdawat karon sa sakramento dako gayud ang iyang pagpasalamat sa mga tao nga nag-umol kaniya gikan sa iyang ginikanan, igsuon ug hilabi na ang iyang mga formators sa seminary.

Sa iyang pagpaambit aduna gayud siyay gitawag nga motto nga mao ang “EVERYTHING IS GRACE” kay kining tanan nga ania kaniya gasa gayud gikan sa Amahan.

Ug sa kasamtangan si Fr. Español gihatagan sa tahas nga mamahimong assistant parish priest sa St. Joseph the Worker Parish Montevista, Compostela Valley. Nanghinaot usab siya nga magpadayon ang mga katwahan sa pag-ampo kaniya diha sa iyang pagpangalagad isip usa ka pari sa katilingban. (Earnarose Cadungog)