31 ka EMHC pormal nga gi-Send Forth sa Saint James the Apostle Parish sa Bunawan

Adunay sending forth sa tanang Extraordinary Ministers of Holy Communion ang napahigayon sa Santiago Apostol sulod sa ika-duhang Santos nga Misa niadtong Hunyo 23, 2019 nga Solemnidad sa Corpus Cristi nga gipanguluhan sa Kura Paroko nga si Rev. Fr. Rolando O. Mandreza, DCD. Diin adunay 31 (9 ka bag-o ug 22 ang daan) ka Extraordinary Ministers of Holy Communion ang na-send forth niadtong higayuna nga malipayong midawat sa Certificate of Appointment nga pinirmahan sa atong halangdong Arsobispo Romulo Valles, DCD. Sulod sa homiliya ni Rev. Fr. Rolando O. Mandreza, DCD siya miingon, “Ang balaang lawas ug dugo ni Jesu Kristo mao ang kalan-on sa atong kalag. Si Jesus ang pan nga maghatag kanato sa kinabuhing dayon. Ang mukaon niini mabuhi sa dayon”. Gipahinumduman usab niya ang tanang parokyano nga kining maong sakramento, grasya gikan sa atong buhing Dios.

Sa kasamtangan, una gisend forth ang 31 ka Extraordinary Ministers of Holy Communion, misalmot sila sa duha ka-adlaw nga Recollection niadtong Hunyo 21-22, 2019 nga gihatag nila Bro. Mark Lampotok ug Sir Amiel Baculna sa Camudmud, Island Garden City of Samal. Nahimong mahinungdanon ug malampuson ang maong recollection. Diin sa maong aktibidad, gipasabot sa ilaha ang ilang tahas nga ang pagdala sa balaang Eukaristiya usa ka pribilihiyo nga gihatag kanila busa ilaha kining hatagan og importansya.

Sa katapusan, haum gayud ang adlaw sa pagpadala sa mga milahutay sa pormasyon sa tanang Extraordinary Ministers of Holy Communion atol sa pagselebrar sa Solemnidad sa Corpus Cristy niadtong dominggo. Hinaut nga mahimong madasigon sa ilang pagpangalagad sa Ginoo diha sa simbahan inubanan sa pag-ampo ug giya sa Kura-Paroko nga si Rev. Fr. Rolando O. Mandreza, DCD. (An-Jean V. Naraga | SJA Parish SoCCom)