Senior Citizen nga dili makalakaw naningkamot aron makaboto

Wala nakababag sa usa ka Senior Citizen bisan pa sa iyang kahimtang nga maglisod sa paglakaw sa pag-adto sa presinto aron nga makaboto.

Sakay sa iyang wheelchair, migawas gayud ug miadto sa sayo sa buntag Mayo 13, 2019 nga panahon sa piniliay aron sa pagboto.

Si Visminda D. Castor, 80 anyos, nagpuyo sa Luzvill Subdivision dinhi sa Barangay Panacan.

Sumala pa ni Castor, bag-o lamang siya na-admit sa balay tambalanan ug na ICU sya. Gani ang iyang mga anak dili buot nga moboto sya karon sa piniliay tungod sa iyang kahimtang.

Mipadayon gayud si Ma’am Visminda Castor sa pag-adto sa Corcuera Elementary School aron sa pagbansay sa iyang katungod sa pagpabotar isip Pilipino. (Liz Gilbuena | SMP Parish SoCCom)