El Rio nagsaulog sa kapistahan sa Fatima

Photo by Sharon Batoto

Gipahigayon ang chapel blessing atol sa ika-siyam nga Fiesta Mass sa Our Lady of Fatima sa El Rio GKK niadtong May 11, 2019 kauban si Fr. Geo, ang mass presider.

Sumala ni Angeline Navarro nga SoCCom sa maong GKK, “Inputs mahitungod sa Year of the Youth celebration ang mga gihatag sa formation team kada gabii sa panahon sa ilang novena. Kani nakadugang sa pagsabot nila sa ilang mga kabatan-onan.”

Ang prusisyon gihimo libot sa village sa Mayo 11. Usab, nangandam na sila alang sa ilang Fiesta Mass ug Chapel Blessing.

Nagsugod ang chapel fund raising niadtong March 2019 ug kini padayon pa nga kalihokan hangtud mahuman kini. Aduna nay daghang pledges ilabina kay nakita sa mga gingsakupan ang kausaban sa ilang kapilya.

Human sa Santos nga Misa didto na dayon sila sa ilang gym alang sa ilang fiesta dinner.

Kauban ang ilang mga GSL, sila mipadangat sa ilang dakong pasalamat sa tanang nitabang ug nitambong aron mamahimong malampuson, malinawon ug malipayon ang ilang kapistahan.

Viva Jesus! Viva Our Lady of Fatima! (Marieta V. Comighud | OMPH SoCCom)