Dinner for a cause gipahigayon sa San Miguel Parish

Ang Parish Coordinating Council sa parokya sa San Miguel-Panacan nagpahigayon sa binulan nga meeting sa milabay nga Dominggo Mayo 5, 2019 didto sa Seminar Hall 2.

Gisugdan ang meeting sa alas onse sa buntag nga gitambungan sa tanang miyembro sa Parish Coordinating Council.

Nahisgutan sa maong meeting mao ang mga kalihukan sa umaabot nga ika-25 nga anibersaryo sa parokya.

Adunay ipahigayon nga Dinner for a Cause didto sa Waterfront Hotel, Lanang dinhi sa dakbayan karong umaabot nga Hunyo 7, 2019.

Ang kita o proceeds sa Dinner for a Cause itagna alang sa re-roofing project sa parokya.

Nahimut-an sa among Kura Paroko ang himoong inisyatibo sa tanang myembro sa Parish Coordinating Council aron makatabang sa umaabot nga dakong proyekto sa Parokya.

Tungod sa maong kalihukan si Fr. Edsel Paloma nagmugna og Finance Council nga gipangulohan ni Engr. Rudy Sultan aron mao ang magdumala sa panalapi alang sa mga proyekto sa Parokya.

Sumala pa ni Fr. Edsel, “Ang PCC Members mao ang magfacilitate sa Dinner for a cause but when it comes to money, Hands off na ang PCC”.

Adunay usa ka bulan lamang nga preparasyon una maabot ang ipahigayon nga Dinner for a cause.

Ang mga miyembro sa Parish Coordinating Council nga gipangulohan ni Bro. Giovanni Udtohan wala naglangan og panahon aron sa paghimo og marketing plan alang sa distribution sa mga tickets.

Positibo gayud ang tanang miyembro nga mahimong magmalampuson ang ipahigayon nga kalihukan sa tabang sa mga GSL ug mga parokyano sa San Miguel Parish-Panacan. (Liz Gilbuena | SMP Parish Soccom)