Via Crusis sa San Roque Parish Malabog nagmalamposon ug walay kakulian nahitabo

Via crusis sa San Roque Parish, Malabog nagmalamposon tungod sa no backpack ug no pouch policy nga pagadad-on sa prosisyon nga giimplementa sa mga pulis sa Paquibato ug kasundalohan. Ug usab pinasahi ang paagi sa Via crusis kay tungod gibahin kini sa tulo kabahin para lamang ang 4 ka barangay nga nahisakop niining simbahan makaapil niini ug ang mga apostoles gikan sa mga gift bearer. Kini ang pinakaunang nahitabo sa mga gift bearer dili lang sa pag-assist sa mga halad sa panahon sa misa apan andam pud sila mosakrepisyo sa pagbaktas ug pagpas-an sa Krus nga motimbang kini sa napulo ka kilo.

Alas dos pa lang sa kaadlawon mata sila ug gikan sentro Malabog padulong sa Sitio Quarry, Sitio Calcal ug Km. 8. Diin ang mga starting point niini hangtod sa simbahan mokabat sa kalay-on sa 7 ngadto sa 8 ka kilometro. Patungas, pababa, usahay maadto sa lubakon nga dalan o batoon na ang ilang maagian. Apan adunay duha ka seminarian nga nagboluntaryo sa pagpas-an sa Krus. Dili lang mga Apostoles ang nagsakripisyo pati mga sundalo ug pulis nagbaktas miduyog sa panon aron lamang mabantayan ang seguridad sa katawhan. Tood sa pagabot sa ika-14 ka stasyon ug sa sulod sa simbahan. Nagpasalamat dayon si Rev. Fr. Arnold Balaquinto ang kura paroko sa San Roque Parish, Malabog sa ilang tabang na mahuman ang Via crusis na walay kakuliang nahitabo. (Imelda Overiz | SRP-Malabog SoCCom)