Semana Santa mabulukong gisaulog

Mabulukon nga gisaulog ang Semana Santa sa mga parokyano sa St. Mary of the Perpetual Rosary Parish tungod kay una nagsugod ang maong mga kalihukan gi-andam na sa Kura Paroko, Rev. Fr. Dionisio C. Tabiliran ang mga parokyano ilabina ang mga GKK Servant Leaders (GSL) pinaagi sa paghatag og “Lenten Season Recollection”. Gipahigayon ang Lenten Season Recollection niadtong Abril 10, 2019 sulod sa simbahan diin nagsugod sa alas sais y medya hangtud alas nueve sa gabi.

Aron maandam sa pagsaulog sa Kwaresma ug Paschal Triduum gipasabot nganong magsaulog kita niini. Nganong adunay Lenten Recollection? Dili paba igo ang pagsimba? Niining panahona kita gipahinumduman sa kasakitan nga nasinati sa atong Ginoo. “It recalls the 40-day fasting of Jesus in the wilderness”. Nganong iyaha kining gihimo? Gipaambit ni Fr. Diony ang acronym sa LENT. L-love, “God’s love is overwhelming”. Ang gugma sa Dios walay boundary ug dili masukod. E-enduring, “the love of God endures forever”. Ang gugma sa Dios malahutayon; N-nurturing, “it nurtures us inspite of human sinfulness”. Kanunay mahigugmaon. T-total giving, “God gives himself totally without reservation”. Gihatag sa Ginoo ang iyang kinabuhi alang kanatong tanan kay maoy sangon sa Amahan ang pagluwas kanatong tanan.

Dugang gipaambit ni Fr. Diony ang Ebanghelyo ni San Lucas 15:1-3, 11-32. “The Loving and Merciful Father” or the “Parable of the Prodigal Son”. Adunay mga pagbahin-bahin sa panghuna-huna ug pagduha-duha ang maong sambingay apan kini gihatagan og kahulugan pinaagi sa lima ka “Signs and Symbols”: 1) embraces and kiss his son; 2) put on him a new robe; 3) put a ring on his finger; 4) sandals on his feet. 5) take the fattened calf and slaughter it. The return of the prodigal son is the cause and reason to celebrate, it is the reason for great rejoicing and happiness.

Mao kini ang hagit ni Fr. Diony sa mga nitambong sa maong Lenten Recollection nga angayan pamalandongan kung adam ba sila nga mohimo niini. Nanghinaut si Fr. Diony nga human sa kwarenta ka adlaw nga pamalandong adunay makit-an nga mga kabaghoan sa kinabuhi nga unta sulondon sa uban. Sa paghimo sa mga exercises or religious activities makatabang kini sa atong pag bag-o. (Arsenia Barimbao / Hermie Mapute, SMPRP SoCCom)