Pakiglambigit sa mga kalihukan sa parokya pakusgan sa Panacan Parish

Sa gipahigayong meeting sa Parish Coordinating Council sa San Miguel Parish Panacan, usa sa mga nahisgutan ang pagpakusog sa pakiglambigit sa mga kalihukan sa parokya.

Sa meeting niadtong alas diyes sa Abril 7 didto sa Seminar Hall gisugdan kini sa unang bahin nga mao ang Priest Time diin ang among Kura Paroko nagpahibalo sa iyang mga plano ug pamaagi aron sa hapsay nga selebrasyon sa panahon sa Semana Santa.

Sama sa mga milabay nga meeting dili gayud makalimtan ni Fr. Edsel ang pagpahinumdom sa mga membro sa pagmakanunayon sa pakiglambigit sa mga kalihukan sa parokya.

Batasan usab ni Fr. Edsel nga iyang ginadayeg ug gipasalamatan ang mga membro sa pagtabang kaniya sa pagdumala sa parokya, ilabina sa magtiayon nga Engr. Rudy ug Linda Sultan, bisan sa ilang ka-busy mihatag gayud og panahon aron sa pagtambong sa meeting.

Ikaduha nga nahisgutan mao ang mga updates ug kalihukan sa matag ministriya, organisasyon ug apostolado sa parokya.

Ika-tulo mao ang mga kalihukan sa panahon Semana Santa sama sa pagbalhin sa petsa sa Open Recollection gikan sa Abril 17 ngadto sa Abril 16 Martes Santo sa alas seis (6:00 PM) sa gabii didto sa San Miguel Parish-Panacan.

Ug sa katapusang bahin sa meeting mao ang mga plano sa ipahigayon nga Dinner for a Cause sa dili pa maabot ang ika beinte-singko nga anibersaryo sa parokya ni San Miguel Arkangel sa Panacan. (Liz Gilbuena | SMP Parish SoCCom)