Mga batan-on nagpanon alang sa Visita Iglesia

Madasigon ug maampoon ang mga batan-on karon sa San Miguel Parish-Panacan.

Pagkahuman sa Santos nga Misa, paghugas sa tiil sa mga Apostoles ug sa katapusang panihapon, ang mga batan-on nagkahiusa alang sa pag Visita Iglesia. Kauban ang mga Pangulo Sa Batan-on nga gipangulohan sa PSB Coordinator Rondis Saulda ug SK Barangay Chairman Ryan Calsa, nagpanon ang gatusan nga mga batan-on alang sa pag Visita Iglesia.

Alas nueve sa gabii (9:00 PM) nanggikan sa parokya ang mga batan-on padulong sa St. Francis of Assisi Parish Laverna pagkahuman sa Our Lady of Mt. Carmel, St. Joseph the Worker Parish Sasa, St. John the Baptist Parish Lasang, St. James the Apostle Bunawan, St. Francis Xavier Tibungco. Mibalik ang mga batan-on sa parokya sa San Miguel-Panacan alang sa ika-pito ug katapusang pag Visita Iglesia.

Makahuluganon gayud ang pagsaulog sa mga batan-on panahon sa Huwebes Santo, April 18, 2019.

Makita ang kakapoy apan malipayon ang panagway sa mga batan-on. Pagkahuman sa katapusang pag-ampo ang tagsa-tagsa mipauli sa ilang mga panimalay alang sa hamubo nga pagpahulay ug alang sa pagpangandam sa sunod nga obligasyon sa Semana Santa ang dalan sa krus sa sayo sa kabuntagon. (Liz Gilbuena | SMP-PANACAN SoCCom)