Kalipay sa katilingban, kalipay usab sa Kura

Kahiusahan ug kalambuan ang gipakita sa katilingban sa Zone 6 nga gilangkuban sa unom ka kapilya sakop sa Parokya sa San Miguel Parish Panacan.

Ang mga kapilya sakop sa Zone 6 mao ang San Jose-Golden Hills Phase 1, Birhen sa Lourdes-Golden Hills Phase 4, San Vicente Ferrer-Golden Hills Phase 5, San Roque-Golden Hills Phase 3, San Isidro Labrador-SPDA, ug Sagrada Familia-Estores.

Marso 31, 2019 ang Zona nagkatigum didto sa Lanang Aplaya Beach Resort, Davao City. Kini ang unang higayon diin nga nagkatapok sa gawas sa ilang katilingban aron magbonding kauban ang tanang GSL.

Nagmalampuson ang gipahigayong GSL Gathering. Abunda sa pagkaon, adunay daghan nga padula ug labaw sa tanan malipayon ang grupo tungod sa sorpresa nga pag-abot sa among Kura Paroko nga si Fr. Edsel Paloma. Bisan pa sa iyang ka-busy, mihatag gayud og higayon si Fr. Edsel aron makigbonding ug nakigsalo sa paniudto. Walay kabutangan sa kalipay sa mga GSL sa presensiya sa among kura paroko. Ug kini nakahatag sa tagsa-tagsa ug dugang kadasig diha sa pagpangalagad tungod sa gugma ug suporta nga gipakita sa among Kura Paroko.

Ingon man sa hamubo nga pulong si Fr. Edsel miingon nga nalipay usab siya sa gipakita nga kahiusahan ug kalambuan sa Zone 6. Ug siya manghinaut nga magpadayon pa sa mainitong pag-alagad diha sa Gagmay’ng Kristohanong Katilingban. (Ma. Liz Gilbuena | SMP SoCCom)