Kalambigitan sa mga batan-on panahon sa Semana Santa

Dako ang kalambigitan sa mga Pangulo sa Batan-on o PSB sa parokya sa San Miguel-Panacan panahon sa Semana Santa.

Palm Sunday Abril katorse, namaligya ang mga batan-on og mga pagkaon, kandila, religious articles ug mga lukay nga krus. Ang kita sa pagpaninda gamiton alang sa mga delegado sa National Youth Day.

Dungan sa selebrasyon sa tuig sa mga batan-on, ang dose (12) ka mga Apostoles ug ang nagbasa sa pito ka katapusang pulong ni Hesus gikan usab sa mga batan-on.

Walay kakapoy nagpraktis ang mga batan-on sa ilang mga schedule bisan kasagaran kanila gikan pa sa ilang mga trabaho ug personal nga mga bulohaton.

Panahon sa pag Visita Iglesia, nagkahiusa nga nagpanon ang gatusan nga mga batan-on padulong sa pito (7) ka mga Simbahan alang sa Visita Iglesia.

Sabado de Gloria ang mga batan-on kauban ang magtiayon PSKB Coordinator Ricardo ug Annie Quadizar busy usab sa pagpanguha og mga bulak para i-decorate sa sugatan panahon sa Easter Sunday.

Abril 21 human sa selebrasyon sa pagsaulog sa pagkabanhaw ni Hesus. Una migikan ang trese (13) ka mga delegado nga mga batan-on gipangunahan sa PSB Coordinator Rondis Saulda, gibindisyonan ni Fr. Edsel Paloma ang mga batan-on alang sa ilang seguridad ug kalampusan sa pag-apil sa National Youth Day.

Nagpasalamat ang among Kura Paroko nga si Fr. Edsel Paloma sa kadasig diha sa pagserbisyo ug kalambigitan sa mga batan-on sa kalihukan sa parokya ilabina panahon sa Semana Santa. (Liz Gilbuena | SMP-Panacan SoCCom)