Year of the Youth Cross GKK Visitation

Ang Davao Archdiocesan Youth Coordinating Apostolate (DAYCA) adunay nagkalain-laing mga programa nga nakalatid isip pagsaulog sa Tuig sa mga Batan-on 2019. Tungod niini ang Ministriya sa Batan-on sa St. Mary of the Perpetual Rosary Parish, Buhangin, Davao City nagpahigayon og Year of the Youth Cross GKK Visitation kon Pilgrimage sa mga Gagmay’ng Kristohanong Katilingban (GKK) nga nahisakop sa maong parokya.

Ang pagbisita sa mga batan-aon ngadto sa mga GKK nagsugod sa unang Biyernes sa kuwaresma kaniadtong Marso 8, 2019 diin gipangulohan kini ni Rev. Fr. Rey T. Sabuero, Parochial Vicar ug Youth Spiritual Director ug sa Parish Youth Coordinator, Jonalen Asares.

Ang ikaduhang pagbisita gipahigayon kaniadtong Biyernes, Marso 15, 2019 sa GKK Sto. Nino, Hillside, Tigatto nga sakop sa Zone 9 sa alas 6:00 sa gabii hangtud alas 8:30 sa gabii.

Ang tumong sa kalihukan mao ang pakighimamat ug pakiglambigit sa mga kabatan-onan diha sa parokya ngadto sa matag GKK. Sa maong pagbisita gihimo ang pag-ampo, orientation mahitungod sa Year of the Youth Cross, talk on the Road to Emmaus ug group sharing sa mga batan-on nga nitambong.

Pinaagi sa maong pilgrimage mapasabot usab sa mga kabatan-onan kung unsa sila ka importante sa simbahan ug sa katilingban; sama sa tema karong Tuig sa mga Batan-on, “Filipino Youth in Mission: Beloved, Gifted and Empowered”. Kini naga awhag sa mga kabatan-onan nga sila hinigugma ug gigasahan sa nagkalain-laing mga talento diin kini ilang mapaambit ngadto sa uban.

Ang Year of the Youth Cross GKK visitation nagmalampuson tungod sa suporta sa Kura Paroko, Rev. Fr. Dionisio C. Tabiliran ug sa mga GKK Servant Leaders (GSL) sa maong GKK. (Richie Lubon | SMPR GKK SoCCom)