Piniling Katawhan, Gitawag sa Pag-alagad

(Worship Ministry Renewal Recollection)

Gatusan ka mga miyembro sa Worship Ministry ang niapil sa renewal recollection nga gipahigayon niadtong Marso 17, 2019 sa Our Lady of the Miraculous Medal Parish, Indangan. Gilangkuban kini sa mga Lectors & Commentators, Lay Ministers, PSL, Choir, Psalmists, Gift Gatherers, Arts in Environment ug mga Altar Servers.

“Mga piniling katawhan sa Dios, gitawag sa maong pag-alagad,” matud pa ni Msgr. Jimmy Gamboa, ang speaker sa maong recollection. Ang pag-alagad dili lihok sa tawo kondili lihok sa Espiritu Santo kay matud pa dili pagbuot sa tawo kondili ang sa Dios ang matuman. Ang tanang nag-alagad sa simbahan pinili sa Dios unya gitawag, dugang pa ni Msgr. Jimmy. Ang tagsa-tagsa ka tinawag gipahimutang sa Dios kon diin masibo ang iyang talento. Apan una sa tanan ang tawo nga tinawag moapil gayud sa mga pormasyon nga ipahigayon sa maong ministriya aron mahashasan pa ang mga nagkadaiyang gasa nga gihatag sa Dios. Malipayon ug mapasalamaton ang tanang miyembro sa Worship tungod sa mga pagtulun-an nga napa-ambit ni Msgr. Jimmy niadtong gabhiona ug nanghinaut nga ila kining mapuy-an diha sa ilang pag-alagad sa simbahan. (Anabelle Ejercito Encluna | OLMMP SoCCom)