Paghinumdum ug Pagpanaw diha sa dalan sa Kaluwasan

Pakiglambigit sa kalihokan niining panahon sa Kwaresma maoy sentro sa mga magtotoong Kristiyano sa tibuok kalibutan. Ang St. Mary of the Perpetual Rosary Parish, Buhangin, Davao City gisaulog ang unang Byernes sa Kwaresma niadtong Marso 8, 2019 sa alas singko y medya ang takna sa hapon pinaagi sa “Way of the Cross” sulod sa simbahan inubanan sa mga katawhan sa among parokya.

Pagkahuman sa “Way of the Cross” misunod dayon ang Santos nga Misa nga gipangulohan sa parochial vicar, Rev. Fr. Rey Sabuero.

Aduna usab mga GKK nga sakop sa parokya ang naghimo og susamang kalihokan nga gihimo diha sa parokya. Usa na niini ang GKK sa San Isidro Labrador, Ciudad de Esperanza ug Our Lady of All Nation, Greenland, Cabantian.

Mao na kini ang naandan nga kalihukan sa mga miyembro sa katilingban matag panahon sa Kwaresma ang paghimo’g “Way of the Cross” matag Biyernes sa alas otso ang takna sa gabii.

Gikinahanglan ba gayud kita nga moapil niini? Ang tubag, “YES.” Medyo subo pamalandongon nga sa kadaghang lumulupyong kristiyano dyutay lamang ang makatambong niini.

Mao kini ang realidad nga kita gipahinumduman sa atoang “Pagtoo, Gugma ug Paglaum” nga kita naluwas pinaagi sa pagpasakit, pagkamatay ug pagkabanhaw ni Hesukristo nga atong Manluluwas. (Arsenia Barimbao | CDE-GKK SoCCom)