Lauching sa Alay Kapwa gipahigayon sa San Roque Parish Malabog

Human sa Santos nga Misa Marso 10, 2019 sa alas 9:00 sa buntag dinhi sa San Roque Parish, Malabog, gipahigayon ang Launching sa Alay Kapwa. Gitambungan kini sa mga Pangulo sa Alagad uban sa ilang coordinator nga si Maam Nene Marycris Eborde Deguinion, Pangulo sa Katilingban ug Pangulo sa Liturhiya sa matag gkk gikan sa sona uno hangtod sona 12 sa 56 ka GKK.

Gipanalanginan ni Rev. Fr. Arnold Balaquinto ang mga PSA, PSK ug PSL. Dala ang mga rito sa Alay Kapwa, plastic bottles ug karatola aron gamiton nila sa tagsa-tagsa nila ka kapilya.

Matod pa ni Nanay Victoria Jeminez, PSK sa GKK Santa Cecilia zone 10, nga magpatawag dayon siya og meeting sa mga membro sa ilang kapilya para masabotan dayon asa sugdan na balay ang pagpahigayon sa Alay Kapwa. Kay sa iyang kasinatiaan kaniadto sa pagpadagan sa Alay Kapwa kini naka palig-on sa usa ka pamilya nga buo, nagkahiusa sa pag-ampo sa Ginoo ug sa pagbasa sa mga pulong sa Dios kada membro. Kung opadayon pa kini sa pagpatuyok tibook pamilya sa GKK mas malig-on pa ang pagtoo sa Ginoo ug mas malig-on pa ang relasyon sa silingan.

Matod pa ni Rodolfo Cajera, Sr., PSL sa GKK sa Cecilia, nindot gayod ang kalihokan sa Alay Kapwa kay dinhi makakat-on ang mga bata sa pagbasa sa bibliya, pag-ampo, pagshare sa uban. Kini nakahiusa sa isa ka pamilya kay ang mga ginikanan mismo ang mangulo sa pag-ampo ug pagbasa sa mga pulong sa Dios. (Imelda Cajera Overiz | San Roque Parish, Malabog SoCCom)