Mga pahinumdom mahitungod sa Kwaresma

1. Unsa man nang Miyerkules sa Badlis?

Ang Miyerkules sa Badlis maoy unang adlaw sa Kwaresma, mga 46 ka adlaw sa dili pa ang Pasko sa Pagkabanhaw sa atong Ginoo. Mausab-usab ang petsa niini matag tuig tungod kay mag-agad kini sa petsa sa Pasko sa Pagkabanhaw sa atong Ginoo. Mamahimo nga kini matunong sa mga petsa gikan sa Pebrero 4 ngadto sa Marso 10.

2. Unsa may mahitabo sa Miyerkules sa Badlis?

Ang tanang magtutoong Katoliko giawhag nga mosimba aron magpabadlis sa marka nga krus diha sa ilang mga agtang sa abo nga gisunog gikan sa mga lukay nga gipanalanginan panahon sa Pagbendita sa lukay.

3. Kanus-a man mahitabo kini karong tuiga sa 2019?

Karong tuig 2019, ang Miyerkules sa Badlis mahitabo karong umaabot nga Marso 6.