GSL sa GKK Sta. Cruz mipakita sa ilang suporta sa DCHerald

Salamat sa Diyos! Ang among tubag human sa katapusang panalangin dayon kanta sa katapusang awit nga “Ang Tawag”. Natapos na ang among Kasaulogan sa Pulong (KSP) karong semanaha!

Gipang apud-apud ang siyam (9) ka kopya sa Davao Catholic Herald ngadto sa mga nanambong. Gipasabot kanila nga nagkinahanglan og suporta sa matag GSL sa matag GKK ang katolikong mantalaan sa DADITAMA.

Kay matod pa ni Fr. Ritchie Gamaya sa meeting sa mga parish SocCom Coordinators niadtong January 26, 2019 ang printed numbers sa pagsugod sa Herald mao lang gihapon hangtod karon mao nga kinahanglan nga motabang na ang mga Soccom para makaabot na ang Herald maski sa mga GSL lang usa sa kada GKK kay kaniadto pa isa (1) lang ka kopya kada GKK ang ginapadala. Kung madugangan kini og pito (7) dako na kini nga increase sa sales ilabina og mopalit ang tanan GKK ug mas daghan na ang makabasa, makahibalo bahin sa mga balita sa sulod ug gawas sa nasod nato.

Malipayon nga midawat ang mga natunolan ang uban namayad dayon samtang ang uban sunod Sabado nga KSP na lang pod (wala kapangandam). Okay lang kay ang importante nga midawat sila ug mi-commit nga mo-regular na og palit ug basa niini kay matod pa sa akong napangutana ganahan siya mobasa kay madugangan iyang kahibalo bahin sa atong mga Santos sa simbahan.

Ako una gyud nako tanawon ang tubag sa crossword puzzle tungod kay dili pa nako maperfect pagtubag ang mga pangutana. Examination para nako ang crossword puzzle challenge pa to read more. Puno na ka sa basahonon sa kada adlaw mao nga ang format sa crossword welcome change ug reminder sa pagtoon, pagbasa pa more sa Bible ug apilan pa og Herald. Complete ang Sabado if makabasa ko og Herald ug ako nanghinaot nga ang akong mga kaubang GSL mga miyembro makasugod na gyud og appreciate sa efforts sa atong Katolikong simbahan sa pagpadangat sa Maayong Balita ngadto sa mga katawhan, dili pa man tanan pero magsugod na ug kadaghan. (Marieta Comighud)