Bishop Afable andam mosuporta kay Bishop Lunas

Dakong pagpasalamat sa Obispo sa Diocese sa Digos nga si Bishop Guillermo Afable, DD sa katawhan nga mitambong ug mitabang sa Ordinasyon sa pagka-Obispo ni Bishop Ronald Lunas, STL, DD niadtong Pebrero 11, 2019 sa alas dos sa hapon sa Mary Mediatrix Cathedral, Digos City Davao del Sur.

Butyag ni Bishop Afable nga malipayon ang tanan ug matoohon nga nagsaulog sa maong liturhiya sa Diocese. Dugang pa nga makadasig ug makapasigarbo ang maong hitabo isip pagka-Katoliko nga simbahan, sumala pa nga molibot si Bishop Lunas ngadto sa matag Vicariato busa giawhag niya ang katawhan nga tagamtamon ang higayon nga makauban ang bag-ong Obispo diin ang iyang installation sa Diocese of Pagadian, Zamboanga del Sur hain kini madisto karong umaabot nga Marso 25 niining tuig.

Una na nga mipaabot og pagsuporta si Bishop Afable ngadto na kang Bishop Lunas, sumala sa nauna nga pakighinabi sa mga tigbalita kaniya nga giawhag niya kini nga ipadayon ang paglambo ug pagkamalumo sa kasing-kasing ngadto na sa tanan, ilabina sa mga sinalikway ug mga timawa sa katilingban. “Ania ra mi sa imong kiliran ug palibot andam kanunay mo-abaga sa imong palas-non ug kalipay, labaw sa tanan ang among pag-ampo. We love you Fr. Bong. We will never forget you, goodbye. I hate to see you go but have a good time,” mensahe ni Bishop Afable ngadto kang Bishop Lunas.