“Traslacion”

Nibangon ko og alas 3:30 sa kaadlawon aron mosalmot sa traslacion sa GKK sa Poong Jesus Nazareno sa New Lanzona Village, Matina, Davao City. Uban ang hapit 4,000 ka katawhan ang miuban sa Traslacion. Apil na ang taga General Santos City nga mihawa kagahapon sa alas 9:00 sa gabii aron makasalmot sa Traslacion. Ginabuhat na ang traslacion gikan sa Manila kon diin sobra sa 2 ka million ka mga deboto ang naga-apil sa maong prosesyon. Kini tungod sa nagkadaiyang mga milagro sa matag kinabuhi sa matag deboto. Ang rota sa Traslacion nagsugod sa GKK, Lanzona, Poly, Matina Aplaya, Matina Crossing, Bantay Bata, balik sa GKK.

Ubay-ubay ang mga deboto nga nagdebosyon sugod sa Traslacion. Inubanan sa pag-ampo sa Santos nga Rosaryo. Gipangulohan ang Santos nga Rosaryo ni PSL Joel Ancheta ang mga naghulat sa GKK. Alas 6:30 niabot ang Traslacion nga nihawa sa alas 4:30 sa kaadlawon. Gisugdan dayon ang Santos nga Misa nga gipangulohan sa Kura Paroko sa San Pablo Parish nga si Most Rev. George Rimando, D.D.

Iyahang gibless ang mga imahe sa Poong Jesus Nazareno uban sa mga tag-iya niini. Sumala pa ni Bp. George nga usa sa pinakadakong GKK ang Black Nazarene, ug basin sa sunod nga kapistahan iyang imbitahon ang atong arsobispo Romulo G. Valles, DD nga mangulo sa Santos nga Misa. Aron pod nga maka-ila pod siya sa mga debotoug inyo pod siyang mailhan. Gicover sa DXGN 89.9 Spirit FM ang misa. Gipatukar sa alas dose sa udto. Aduna pod Facebook live ang maong Santos nga Misa.