San Miguel Parish PCC nagkahiusa

Christmas never ends! Nagmalampuson ang gihimong Christmas Party sa PARISH COORDINATING COUNCIL sa San Miguel Parish Panacan. Kini ang unang higayon nga selebrasyon ug gisaulog gipanguluhan sa Kura Paruko nga si Fr. Edsel Paloma.

Ang party gihimo didto sa Cavanico L Mare, Island Garden City of Samal January 5 & 6, 2019.

Gipahigayon ang overnight nga selebrasyon ug kini gibahin sa tulo. Gisugdan ang dinner party January 5, 2019 sa alas otso sa gabii. Ang unang bahin mao ang sharing of one’s life diin ang tagsa tagsa nag-share kabahin sa ilang kasinatian sa panahon sa Pasko. Aduna usab exchanging of gifts nga gihimo. Nahuman ang Christmas party sa alas dose sa buntag (12:00 am) ug gisunod dayon ang unang PCC meeting sa tuig 2019 ang ika-duhang bahin.

Gihisgutan sa meeting ang evaluation sa Misa de Gallo ug uban pa nga dakong kalihukan nga nahitabo sa bulan sa Disyembre. Nasabutan usab sa grupo ang paghimo og planning sama sa himoon nga dakong proyekto sa Parokya karong tuiga.

Nanghinaut ang grupo nga masugdan gayud sa daling panahon ang masabutan nga proyekto. Nahuman ang meeting sa alas dos y medya (2:30 am) sa kadlawon. Alang sa ika-tulo ka bahin, January 6 human sa pamahaw nag-bonding ang grupo. Ang pipila nag-enjoy sa pagpangaligo sa dagat ug ang uban nagpadayon sa panagsabot sa maayong buhaton alang sa umaabot nga major plan alang sa parokya.

Nahuman nga malipayon ang bonding sa PCC ug naghinaut ang tagsa tagsa nga masundan kini sa daling panahon aron maduol ug laluman pa ang relasyon sa usag usa aron masinati gayud ang tinood ug hugot nga team work sa Parish Coordinating Council.