Parol gama sa indigenous materials gibida sa Malabog

Dinhi sa San Roque Parish Malabog pinasahe ang mga parol nga gama sa mga recycled and indigenous materials gikan sa mga 55 ka Gagmay’ng Kristohanong Katilingban (GKK). Napakita sa mga parokyano ang ilang mga talento sa pagbuhat og parol nga gikan mismo sa ilang mga abot sa uma ang mga materyales niini.

Mao kini ang pinakaunang pa-contest sa parokya nga gipangulohan sa among Kura Paroko nga si Rev. Fr. Arnold Balaquinto ug gipaabot niya kini atol sa meeting sa mga PSK.

Makita ang nagkalainlaing disenyo sa mga parol isip usa sa mga importanteng simbolo diin si Hesus nahimugso sa Bethlehem nga gisaulog nato matag Disyembre. (Imelda Cajera Overiz)