Pamilya, deboto ni Sr. Sto. Niño

Nahimo na nga Tradisyon sa Pamilyang Ratilla ang pagpatahi ug paghalad og bag-ong bisti alang kang Sr. Sto. Niño matag tuig, kada pista niini.

Ang pamilyang Ratilla mao na gayod ang nagapatahi ug nagahatag og sanina alang kang Sr. Sto. Niño sukad pa kaniadto. Mao na nga matag fiesta, ang tanang tawo naghinam-hinam o excited nga makita ang bag-ong bisti ni Sr. Sto. Niño; ang uban usab gani mag tagna-tagna kun unsa napud kahay kolor sa bag-ong bisti.

Tungod sa ilang pagkamanggihatagon, makita gayod sa ilaha ang pagkamalipayon ug pagkabulahan sa tanang butang tungod sa ilang malalom nga debosyon sa Batang Hesus. Ug sama pa sa giingon sa Diosnong bata: “The more you honor me, the more I will bless you.”

Sa kataposan, ang mga GKK Leaders ug mga deboto ni Sr. Sto. Niño mapasalamaton gayod sa Pamilyang Ratilla sa ilang walay puas nga pagkamanggihatagon alang sa ikapalambo sa kapilya sa GKK Sr. Sto. Niño–Panacan Relocation.

Ang bag-ong bisti masaksihan unya sa prosisyon—Enero 17, 2019 sa alas 5 sa hapon. (Devonne Keith Obongen | PSB-Sto. Niño Relocation)