GKK Christmas Party sa Malabog

Masadya ug malipayon ang tanan sa nahitabong Parish and GKK Day Christmas Party sa San Roque Parish Malabog. Nahitabo kini niadtong Disyembre 30, 2018 sa alas 10 sa buntag. Gitambungan kini sa 56 ka GKKs o 12 ka Sona.

Human sa Santos nga Misa nga gipangulohan sa kura paroko nga si Rev. Fr. Arnold Balaquinto, gisugdan dayon ang programa sa likod sa simbahan. Adunay presentation sama sa Pangulo sa Pagpanudlo (PSP), mga seminarians, ug mga staff sa simbahan. Sakto alas 12 sa udto naniudto ang tanan. Sama sa giingon ni Fr. Arnold nga maghatag siya og upat ka lechon ug giambitan kini sa 12 ka sona ug dugang pod kini sa mga gihanda sa matag GKK ug nangabusog ang tanan.

Nagpadayon ang programa ug gi-annouce ni Fr. Arnold ang nakadaog sa iyang pa-contest na pagagmayay og lantern o parol. Tuod ang nakadaog niini mao ang GKK Santa Cecilia Zone 10. Gidawat sa PSK nga si Victoria Jeminez ang premyo nga P3,000 plus grocery items. Gisunod dayon ang Choral contest by zone ug ang mga hurado niini gikan pa sa Davao sama nila Charise Ferraren nga charismatic youth coordinator adviser sa St. Joseph the Worker Parish, Sasa ug youth charismatic coordinator sa Archdiocese of Davao, sundalo ug pulis nga anaa adtong higayon.

Nagtige ang 12 ka sona ug ang nakadaog niini sa 1st place gikan sa Sona 2, 2nd place gikan sa Sona 1 ug 3rd place gikan sa Sona 7. Human sa contest aduna dayon surprise na pa-raffle si Fr. Arnold sa mga adunay dala nga pang exchange gift. Aduna pay surprise gift si Fr. Arnold sa mga minyo nga nakaapil sa Open Recollection ug nakasuot og wedding ring tungod pod kini sa pagsaulog sa kapistahan sa Sagrada Pamilya. Halos ang tanan nakadala og pahalipay gikan sa parokya labaw na sa among kura paroko. (Imelda C. Overiz | SRP SoCCom)