A pleasant surprise

Andam na ang mga na-assign nga modala sa Kasaulogan sa Pulong (KSP) aron pagsugod sa dihang miabot ang among Asst. Parish Priest nga si Fr. Giovanni Quibol CSsR kauban ang mga parish worker nga si Babino ug Sharon. Gikan sila sa funeral mass ug nihapit sila sa San Vicente gym aron personal siyang makawitness sa Zone 6 nga Christmas/New Year party nga adunay Lima (5) ka GKK. Gihangyo siya if mosugot ba siya nga magmisa na lamang siya namo. Yes dayon siya mao nga namisahan gyud mi sa wala lang damha. Happy kaayo mi.

Maka inspire ang iyang message alang kanamo. Highly educational ang pagpasabot bahin sa Epiphany naa pa pakapin nga joke bahin sa unom (6) daw sila ka Hari diin ang usa naa sa US isa naa sa China unya isa naa sa Philippines. Grabeng pangatawa sa nanambong pero ang importante gyud sa nga tanan mao nga sila mga Magi ug ang ilang mga dalang regalo adunay dakong kalambigitan sa kung Kinsa gayud si Jesus.

Human sa Santos nga Misa gisunod ang panalangin alang sa pagkaon nga gisalohan sa tanan nga nanambong. Misunod dayon ang programa, parlor games, presentations gikan sa kada GKK mga bata ug sa mga Youth. Daghan ang niapil sa exchange gifts. Ug tungod kay Year of the Youth man ang celebration karong tuiga ang among mga emcee nga si Jonas ug Christian mga Youth usab.

Salamat sa participation sa among pari, parish worker, mga sakop ug GSL sa zone 6 sa among mga Youth nagmalampuson ang first party sa zone 6 niadtong January 5, 2019 sugod alas 7:00 PM till 10:30 PM. (Marieta Comighud | OMPH SoCCom)