Zone Festival gisaulog sa matag sona

Gisaulog sa matag miyembro sa sona sa Mary Mediatrix of All Grace Cathedral, Digos (MMC) ang zone festival niadtong Disyembre 15, 2018 sa nagkalain-lain nga maanindot na lugar sa dakbayan sa Digos.

“Gipahigayon namo kini aron makapahuway sa mga trabahuon ug adunay bonding kauban ang among mga kaubanan sa sona,” ingon ni Elizabeth Abrao, zone 8 Pangulo Sa GKK (PSG) coordinator.

Dungag pa ni Jean Catalan, youth leader sa sona 12, “dako kaayo’g tabang ang zone festival kay mas gipalig-on pa niini ang among relasyon sa matag miyembro sa among Gagmay’ng Kristohanong Katilingban (GKK) dinhi sa among sona.”

Matud pa kay Anita Lopez, usa ka katekista sa sona 8, “malipayon kaayo ko karung adlawa kay akong nakauban ang akong mga kaila diri sa sona tapos selfie-selfie ug dula-dula dayun, parti jung enjoya!”

Banat pa ni Judy Anne Eborlas, batan-on sa sona 5 nga nag enjoy jud siya ug taman sa ilahang zone festival kay adunay mga parlor games ug pa-premyo nga gipanghatag.

Ingon sad ni Wenda Osmeña, head catechist sa sona 6, “malipayon ko sa among zone festival karon kay maskin gasto kay nalingaw ko’g niligo sa swimming pool ug tabi sa akong mga kaubanan sa sona.”

“Perti jung lingawa kay nag suroy-suroy mi sa dagat kauban akong mga higala nga batan-on sa sona 8,” malipayon nga ingon ni Dominic Labajo.

Apan tambag pa ni Nelsa Orquina nga mas nindot kung mangapil tanan miyembro sa GKK aron mas enjoy ug mas masinati nila ang kabibo sa nahitabo nga zone festival aron sad dili sila mahabilin sa mga aktibidades nga nahitabo sa sona.