Seguridad sa Davao del Sur gipalig-on sa kapulisan

Giklaro sa tigpamaba sa Davao del Sur Police Provincial Office nga si Police Senior Inspector Grace De Castro nga walay hulga sa seguridad sa probinsya atol sa pagsingabot na sa kapaskohan ingon man ang pagpahigayon sa Misa De Gallo apan sumala pa nga gilaoman nila ang mga kriminal nga posibleng magpahimulos sa okasyon busa wala sila magkumpyansa.

Sumala pa nga aron masiguro ang seguridad sa tanan nagpakatag na sila og ginsakupan sa Simbahan katambayayong ang ilang mga Force Multiplier, aduna sab silay mga police assistance desk, mga personahe naga bantay sa mga parking area, ingon man nga adunay mga naga mobile patrol sa mga residential area.

Midugang ang opisyal nga mismong ang Provincial Director nga si Police Senior Superintendent Alan Manibog ang nagahimo sa inspection aron masiguro nga gipatuman sa iyang ginsakupan ang pagbantay sa seguridad.

Samtang pahimangno si De Castro sa tanan nga usa pa man mobiya sa panimalay ngadto sa Simbahan, siguradohon una nga naka-lock ang tanang pultahan o mga bintana aron dili mabiktima sa pagpangawat.