Pagpangandam sa mga kalihukan sa La Verna Parish gipakusgan

Nagpahigayon ang Parish Pastoral Council ug ang Ways & Means Committee sa parokya sa St. Francis of Assisi La Verna og usa ka meeting inubanan sa kura paroko nga Rev. Fr. Pete Lamata alang sa pagpangandam sa mga kalihukan nga ipahigayon karong bulan sa Disyembre.

Usa sa mga gihisgutan ang 25th Sacerdotal Anniversary ni Fr. Otek Escuadro ang vicar priest sa maong parokya karong umaabot Disyembre 6, 2018. Giawhag ang mga lideres sa mga GKK nga motambong niining maong pagsaulog. Gihisgotan usab ang mga schedule sa mga Misa de Gallo nga ipahigayon sa centro ug sa mga GKK.

Ikatulong gihisgotan ang finalization sa Parish Children’s Games Sports For Peace nga ipahigayon karong umaabot Disyembre 22, 2018. Magsugod kini sa ala una hangtod alas 5:00 sa hapon. Ang maong kalihukan ipahitabo sa Ramos Nat’l High School Gym diin ang mga batang moapil niini gikan sa edad 8 years old hangtod sa 12 years old. Napulo ka mga bata ang participante kada GKK. Adunay libreng t-shirt ang mga bata nga moapil niini.

Ikalimang gihisgotan ang Parish Family Day nga naandan na sa maong parokya ang pagpahigayon niini matag tuig. Kini mahitabo karong umaabot petsa 30 sa kasamtangang bulan. Ang maong kalihukan pagatambongan sa mga GKK leaders ug mga membro niini. Adunay misa nga ipahigayon agig pagsugod sa maong kalihukan. Usa sa highlight sa maong kalihukan ang PANAYGON sa matag zona. Aron madasig ang matag usa kini pagahimoon nga contest ug ang in-charge sa criteria mao ang grupo sa mga batan-on. Karong tuiga ipahigayon ang Family Day didto sa Ramos Nat’l High School Gym – Damosa. (Sylvia G. Orbeta | SFAP La Verna SoCCom)