Malipayon sa Imbitasyon

Niadtong December 1, 2018 sa 6:00 sa hapon, nagkatigom ang mga GSL o GKK Servant Leaders sa San Pedro Cathedral aron pagasaksihan ang pagbendita sa “Advent Wreath” nga gibitbit sa mga Pangulo sa Liturhiya o PSL, gikan sa tagsa-tagsa nila ka mga kapilya, diin matag tuig na kining gipahitabo nga kalihukan.

Si Padre Raul Nieves ang nangulo sa maong anticipated mass. Ang “advent wreath” isip simbolo sa atong pagpa-abot ni Jesukristo, ug ang unang kandila gidagkutan kini sa pamilya Mr. & Mrs. Eduardo Derecho, usa ka aktibong pamilya ug PSK sa Birhen sa Fatima, Zona 6, sa maong parokya. Wala damha sa mag-asawa nga sila ma-imbita sa maong okasyon, kay sumala nila katong adlawa sumad sa ilang kaminyoon ug sila malipayon nga napili sa maong panghitabo.

Usa sa maanindot nga pamalandungan sa homilya ni Fr. Raul, “kung gi-unsa nato pag-gamit ang gasa nga gihatag kanato, ug nga dili kita magpadala sa kalibutanon nga mga panginahanglan nga atong nakita ug nasinati karong panahuna”, nindot kayo kay gipahinumduman kita sa pagkinabuhi nga usa ka yano ug ang pinaka importante nga nagkahiusa kita sa pag-abot ug pagbalik ni Jesukristo nga puno sa pagtoo. (Rosalinda C. Jabonillo | SPC SoCCom)