Kasalan sa Virgen Dolorosa Parish nagmalampuson

Nagpahigayon ug kasalan sa parokya (Virgen Dolorosa Parish) niadtong Dec. 15, 2018, 9:00 a.m. nga gipangunahan sa Pangulo sa Katilingbanong Banay PSKB.

Adunay 19 ka couples ang mitubag sa panawagan aron sila mabendisyonan ug hingpit nga makadawat sa sakramento sa kaminyuon.

Nahisgutan ni Fr. Mervin George Maglana sa iyang homiliya nga isip mga kristiyano ipadayon ang pagserbisyo sa mga kalihokan sa GKK pinaagi sa pagsimba matag Domingo uban sa tibook pamilya.

Mapasalamaton si Fr. Mervin sa tanan mga naglihok aron mamahimong magmalampuson ang kasalan sa parokya.

Ang pamilyang nagkahiusa, kalapusan sa parokya. (Junelda A. Jauod | VDP SoCCom)