Ika-28 nga kapistahan sa GKK Santa Cecilia sa San Roque Parish Malabog nagmalampuson

Emosyonal nga mapasalamaton ang among PSK Pangulo sa Katilingban nga si Victoria Jimenez sa mga membro, bisita ug sa among kura paroko nga si Rev. Fr. Arnold Balaquinto sa pakigduyog sa ika-28 ka tuig nga kapistahan sa among patron Santa Cecilia. Nahitabo kini niadtong Nobyembre 20, 2018 sa alas 10 sa buntag uban sa tema: Uban sa pangama ni Santa Cecilia Partisipasyon ug Kahiusahan Atong Saulogon.

Sa homiliya ni Fr. Arnold naghatag siya og mga hagit sa mga membro sa GKK, una, unsaon man pagpalambo ang atong gugma sa Ginoo nga dili mawala. Ikaduha, unsaon nato pagpadayon ang atong relasyon sa Ginoo ug sa katilingban. Niining pagsaulog sa kapistahan ni Santa Cecilia kita magpabilin nga mapasalamaton sa Ginoo, atong iampo nga magdala kita ug tinuoray nga gugma sa pagpadayon sa pagsunod kabubot-on sa atong Ginoo. Kita mahisama kang Santa Cecilia ang atong gugma simple nga mapadayonon sa pagpangalagad sa Ginoo.

Sa pagkakaron adunay 35 ka mga aktibo nga mga membro sa GKK. (Imelda Cajera Overiz | SRP SoCCom)