Hiniusang Pormasyon sa Parokya ni San Jose Gidagsang

Inubanan sa dakong panglantaw sa simbahan sa natad sa pormasyon, ang parokya ni San Jose ang Mamumuo sa Sta. Cruz padayon nga nagpatigayon sa ilahang hiniusang promasyon alang sa tanang GKK leaders ug mga nagkadaiyang kabahin sa apostolad ug ministriya. Kini gipatigayon niadtong Disyembre 1, 2018 sa simbahan ni San Jose. Tumong niini mao ang paghatag ug pamalandong unsay ikapalambo sa natad sa pagpangalagad pinanguluhan sa bag-ohay pa lamang na Bishop-Elect Ronald Lunas diin mao ang kura paroka sa parokya. Gisalmutan kini sa 675 ka mga parokyano nga gikan sa nagkalain-laing GKK sa parokya. Una pa gitapos ang maong panagtapok gipahinumduman ni Fr. Bong Lunas ang mga parokyano nga sa kanunay magpabilin and diwa sa kahiusahan isip simbahan nga Kristohanon. (Rajah Franz Mansalay Balahim | SUGID SoCCom)