Beloved, Gifted, Empowered

Excerpt from Archbishop Romulo G. Valles’ homily during the Holy Mass of the Archdiocesan Launching of the Year of the Youth last December 1, 2018 at San Pedro Cathedral, San Pedro St., Davao City.

“Year of the Youth o tuig sa mga batan-on nga dunay nindot kaayo nga tema: “Filipino Youth in Mission: Beloved, Gifted and Empowered.” Ang kining Year of the Youth, ikapito na ni siya sa siyam ka tuig aron sa pagpangandam alang sa 2021… novena ni siya aron sa 2021 ang ika-500 hundred years sukad sa pagkitib, the beginning of Christianity sa Philippines. Ang Year of the Faith tuig 2013, Year of the Laity – 2014, Year of the Poor – 2015, Year of the Eucharist and Family – 2016, Year of the Parish – 2017, ug Year of the Clergy and Consecrated Persons – 2018, ug ang 2019, Year of the Youth nga atong gi-launch karon, ang ika-pito sa siyam ka tuig. Please know that for many years na… naa kita’y Mindanao-Sulu Pastoral Conference nga kanunay napahinumdum ang hut-ong sa kabatan-onan diha sa atong simbahan, dili lang ni karon lang.

Sa paghan-ay sa 9 year preparation, wa gyud makalimti ang youth ug nalipay kami ug dako uban kaninyo. Ang mga batan-on, karon na sila, they are the present kay kamo ang kinabag-an diri sa Pilipinas. Kamo unta mamarkahan sa ngalan sa manunubos, makainom unta sa suba sa kinabuhi, maka adto unta sa siyudad nga gi-andam sa Ginoo kanatong tanan.

Usa sa atong misyon na maapil sa dakong panon nga padulong sa kalipay nga walay katapusan apan misyon usab nga danihon ang uban sa dakong paglantaw. We are loved, so special in the eyes of God because you are life, you are present and you are the future. Kamo ang mu-populate, kamo ang simbahan karon ug sa umaabot. You are facing a different world. Hawod sa multitasking. Maggula sa inyong pagka-gifted in many ways. You are empowered. Sumpay-sumpay na. One of the gifts that we should realize is the constant and many times unnoticed, unrealized, dedma kaayo ta sa presence sa Ginoo diha sa atong kinabuhi. Kining Espirito Santo maghatag kanato, mag-empower kanato kay mutabang siya nato sa atong pagka-gifted.

All of these, ayaw kalimot Filipino Youth in Mission, Mission to journey padulong sa atong destinasyon and most importantly, you move along the journey. Ang atong other side sa misyon, mulingi ra sa atong kauban nga kabatan-onan nga mudasig, mu-inspire na sila muuban kanato sa pagpanaw padulong sa kalipay nga walay katapusan. Dili lang sa isig kabatan-onan naa moy misyon sa pag-inspire, many times you don’t realize it, ang mga batan-on ang mu-inspire sa maluyahon nga mga tigulang sa panaw sa kinabuhi. You inspire also the priests, your bishop, the sisters, your parents because you are beloved, you are gifted and you are empowered by the Lord. Jesus in this Eucharist will always look at us his beloved, his younger brothers and sisters nga iyang gifted, mission sa panaw sa kinabuhing way katapusan. Malipayon diay ang kanunay ma-beloved, ma-gifted ug ma-empower dira sa grasya sa Ginoo.