Altar Servers nanumpa ug nanaad sa pagserbisyo

Gipangulohan ug gipanalanginan ni Bishop-Elect Ronald “Bong” Lunas, kura paroko sa St. Joseph the Worker Parish, Lungsod sa Sta. Cruz, ang mga bag-ong napili nga mga altar servers ug ang pagbag-o sa saad sa mga daang altar servers niadtong Nobyembre 25, 2018, Domingo sa alas-3 sa hapon nga misa sa nahisgutang parokya.

Adunay 16 ka mga bag-ong altar servers nga nanaad nga andam ug angayan sila nga pagadawaton alang sa maong pagpangalagad, pinasikad sa pormasyon nga ilang nabatunan ug sa giya sa ilang Moderator nga Sr. Yolanda Ramos, WCW ug adunay 38 ka mga daang altar servers nga ni bag-o sa ilang saad nga gipangunahan sa ilang presidente nga si Lester Labrado. Ingon man sa maong selebrasyon nitambong ang mga ginikanan o pamilya sa mga altar servers isip pagsuporta sa mga kabataan sa ilang napiling ministriya.

Sumala ni Bishop-Elect Ronald “Bong” Lunas nagkinahanglan ang pag-ampo sa mga kabataan nga nitubag sa maong tawag aron sila makalahutay ug magmadasigun sa pagpangalagad sa Labawngmakagagahom. (Sem. Dave Villahermosa | SUGID)