Parokya sa Bangkal 15 anyos na

Wow time flies so fast, 15 years old na ang The Our Lady of Lourdes Parish sa Bangkal. Ang Nobyembre 9, usa ka importante nga petsa sa kalendaryo sa mga parokyano kay mao kini ang katumanan sa atong mga pangandoy nga makapamugna ug kaugalingong parokya. Kini ang unang mga ninggawas nga mga pulong ni Bro. Lito Puliran, sa iyang pagsaysay sa kamugnaan sa Parokya. Usa si Bro. Lito sa mga pioneer nga PSL ug miyembro sa Formation Team nga gigamit sa Ginoo nga matukod ang iyang gingharian sa Bangkal.

Sa iyang pagpadayon sa pagsaysay iyang gibutyag nga sa tuig 2002, diin nahisakop pa sa Parokya sa San Pablo, usa siya sa nangandoy nga unta adunay kaugalingong parokya ang Bangkal tungod sa distansya sa lokasyon. Nahitabo ang madugong diskusyon sa dihang gipresenta ang maong pangandoy sa usa ka panagtigum sa mga pangulo sa distrito tungod sa mga pagsupak ug mga pagbabag sa pipila nga sama sa pagpanamkon ni Birhen Maria kang Jesus nga adunay giatubang nga mga pagsulay tungod sa mga panglutos. Apan walay imposible sa Ginoo kung atong tinud-anay nga pangayoon kini ngadto Kaniya. Ug ania gihatag gayud Niya kanato ug nahimo ang Canonical Establishment niadtong Nobyembre 9, 2003 ug padayon nga mitubo, milambo tungod sa grasya sa Ginoo ug sa panabang sa atong patron Birhen sa Lourdes.

Ang gipanamkon natawo, gihandom ug gisaulog. “And now I say to you; you are Peter and upon this rock I will build my church; and never will the powers of death overcome it.” Matthew 16:18-19 (Vinny G. Bajo | OLLP SoCCom)