Nahimamat ug Nasinati

“Ang maayong magbalantay nakaila sa iyang panon. Ang panon nakaila sa iyang magbalantay” (John 10:11-18).

Usa sa mga programa ug mga kalihokan sa Parokya nga gihatagan ug priyoridad ni Rev. Fr. Leonie H. Espana sa iyang paglingkod isip bag-ong Kura Paroko sa Parokya sa Our Lady of Lourdes, Bangkal mao ang pagbisita sa 25 GKKs: “initial assessment visit.” Gisugdan ang maong programa niadtong Agosto 4, 2018 ug nahuman Octobre 4, 2018 pinaagi sa TTHS nga eskedyul diin ang tumong mao ang Paghimamat sa mga GSLs ug miyembro ug ang Pagsinati sa kahimtang sa katilingban: “their strengths and weaknesses”.

Matod pa sa Parish GKK Coordinator Sis. Alice Lancian nahimong malampuson ug positibo ang resulta o epekto sa maong pagbisita. Ang kalihokan gilangkoban sa Santos nga misa, ug hamubong miting uban sa mga GSLs ug miyembro diin gipasabot ni Fr. Toto ang sulod sa Yellow Book ug Red Book. Gipasabot usab niya ang mga katungdanan ug responsibilidad sa matag GSL. Nakatabang usab ang maong kalihokan nga mapahinomdoman ang mga miyembro sa ilang katungdanan.

Dugang pa ni Sis. Alice, magsugod na karong Nobyembre ang Regular GKK Mass sa matag distrito. (Vinny G. Bajo, OLLP SoCCom)