Katekistang Lumad

Usa ka batan-on na Lumad gitawag aron mangalagad.

Mao kini si Edilon Ian Balinan, estudyante Grade 11 sa MNHS Malabog National High School, dalaga ug gikan sa Sitio Malamboon nga sakop sa GKK San Isidro Labrador Sona 4 nga sakop sa San Roque Parish Malabog.

Gikan sa Simbahan sa Sentro Malabog padulong sa ilang GKK mosakay pa sila og single motor (habal-habal) sa kalay-on nga 26 ka kilometro una maabot sa ilang lugar. Kung wala kay kwarta dili ka kauli kay walay ipamasahe mao pod kini kasagaran ang hinungdan sa pagpangundang sa mga pangulo sa GKK tungod sa kalay-on sa pag-adto sa simbahan sa binulan na pormasyon apan alang kaniya gitawag siya sa Ginoo aron mangalagad.

Una niyang experience sa pagsugod pa lang daan sa seminar nakulbaan na siya, kahawaon ug sa dihang anaa na siya sa sulod na-inspire siya sa mga topic sa mga lecturer ug nabati pod niya nga usa ka pamilya walay pili bisan siya Lumad welcome kaayo siya na kabahin sa maong seminar isip mahimong katekista, kay sa iyang kaugalingon gusto na niya makapaambit sa mga kabataan ug katilingban.

Gusto niya ipaabot sa mga tao nga nindot ang mangalagad sa Ginoo kay kung may problema dali lang masolusyonan o masulbad. Dapat kung mangalagad dili lang sa storya apan sa buhat.

Sa pagkakaron adunay 21 ka mga bag-ong katekista ang dungan nanumpa ug gipadala karon bulana Nobyembre 11, 2018 dinhi sa San Roque Parish, Malabog, nga gipangulohan sa ilang coordinator nga si Jeanifer Aranez ug nahitabo kini sa unang misa nga gipangulohan sa among kura paroko nga si Rev. Fr. Arnold Balaquinto. Matod pa ni Fr. Arnold sa iyang homiliya nga mangalagad kita nga walay condition o kapalit sama sa Ginoo, ang Iyang Gugma sa atoa walay kondisyon gitugyan Niya ang Iyang kaugalingon para kanatong tanan. (Imelda C. Overiz | SRP SoCCom)