Family Rosary Crusade nagpadayon

Nagkatapok ang mga residente sa Santolan Tres de Mayo, Digos City, Davao del Sur, alang sa pag-ampo sa Santos nga Rosaryo particularmente sa Rosalita Compound alas otso sa gabii, Nobyembre 10, 2018.

Ang maong kalihukan kabahin sa Family Rosary Crusade sa Mary Mediatrix Cathedral sa pagpanguna ni Bishop Guillermo Afable, DD.

Kansang matag semana ang nagkadaiyang GKK sa maong Cathedral adunay tugyanan sa imahen ni Birhen Maria nga usa ka pamilya ug mag-ampo kini sa Santos nga Rosaryo uban sa ilang mga kasilinganan.

Sakop sa GKK San Francisco Javier gidawat sa pamilyang Rosalita ilabina sa panimalay ni P01 Rocielo Rosalita diin gisuportahan kini sa iyang pamilya ug kasilinganan ilabina sa pamilya usab nga Collados.

Samtang ang maong aktibidad gisalmotan sa mga kabataan sa maong lugar ug paghuman sa pag-ampo, adunay higayon nga ang managsilingan makumusta nila ang usag-usa.

Samtang ang maong aktibidad magluntad karong Disyembre 30, 2018 atol sa kapistahan sa Holy Family.