Mga anghel, timaan sa balaan nga presensya sa Diyos

Excerpt from Archbishop Romulo G. Valles’ homily during the Holy Mass of the 24th Parochial Fiesta Celebration of San Miguel Parish and installation of Rev. Fr. Edsel Paloma as the new Parish Priest last September 29, 2018 at Panacan, Davao City.

Unsa may kahulugan niining tanan? Ang lihok, ang ministry, ang apostolado, pagpangalagad sa atong magbalantay sa parokya, inyong pari ug kining atong pagpyesta ninyo karon ang pagpasidungog sa atong Patron na si San Miguel balik balik kada tuig, nipili lang tag isa pero tulo gyud ni sila: San Miguel, San Raphael ug San Gabriel. Among the three, si San Miguel ang mas popular.

Ang mga anghel mao ang timaan, mao ang indicator sa balaan nga presensya sa Diyos, effective, kanunay na mueffect sa presensya sa Diyos. Ang mga anghel, extension, hungaw sa presensya sa Diyos. Nindut nga batasan sa simbahan nga gibutangan og “San” – Miguel, Santos siya, balaan siya tungod kay timaan siya sa balaan nga kalihukan sa langit, santos nga presensya sa Diyos. Kung naay anghel, sigurado ta nga anaa ang gahum sa Diyos. Kung naay anghel, sigurado kita kay “san” man sila, santos man sila anaa ang gugma sa Diyos. Kung may anghel, anaa ang panalipod sa Diyos. Mao kana unta ang tuburan sa atong pagtoo, atong pagsimba karon, pagkasakop sa simbahan.

Hinaut pa unta nga ang inyong kura paroko, angid-angid pud ni San Miguel. Ang kura paroko timaan sa misteryo sa langit. Murag kataw-anan ni pero that is our work, di ta hawod pero gipili ta sa Diyos sa iyang rason. Aduna ba kitay contact number sa langit? Kinahanglan ang kura paroko, naay contact sa langit. Usahay maot ang signal, siya ang muuna nato sa pagcontact sa naglingkod sa trono. Ang mga pari, mga seminarians, for the reason that only God knows kay dili man mi mas hawod pa sa inyo, siguro mas san pa mo sa amoa… pero maoy gipili sa Diyos, nga kami unta uban sa grasya sa Diyos, mao ang timaan. Mao ning hagit namo this Year of the Clergy of the Consecrated persons.

Sa katapusan, kita pud nga nakasimhot sa langit, nakakita sa langit, nakasinati sa grasya sa Diyos, abtik pud ta manimhot sa dili iya sa Diyos. Mura ba’g naanad ta sa humot sa kasantos sa langit sama ni San Miguel… Ang nagsunod kang San Miguel pinangunahan sa atong pari sa parokya, maningkamot kita sa lakaw sa kinabuhi, makabantay kita nga adunay mga butang, dunay mga sitwasyon, dunay pwede pilion nato pero makabantay kita, dili kita mupili kay kini dili iya sa langit.

Ang atong Patron na si San Miguel, nagapahinumdom kanato sa butang nga labing importante nga bantayan kita sa Diyos nga buot niya nga maadto kita sa langit. Uban ni San Miguel, gipahinumduman usab kita nga sa atong panaw padulong sa langit, adunay mga sitwasyon nga unta makasimhot, makakita kita sa mga butang nga mubabag ug makadala kanato layo sa langit. Uban kang San Miguel, hinaut unta kanunay matabangan ug malig-on ang atong pagtoo. Viva Sr. San Miguel! Viva!