Davao Clergy vs. GSL Selection

Usa sa ginaatangan sa mga Parokyano ni San Miguel sa panahon sa kapistahan mao ang ipahigayon nga dula sa basketball sa grupo sa mga kaparian vs GSL Selection. Ang dula gipahigayon sa Landmark 3 sa alas tres sa hapon Septiyembre 29, 2018. Sa pagsugod pa lang sa dula gibati ug kaluya ang mga cheerers sa mga pari tungod sa dili kompleto ang team, mga mugbo pa kini ikompara sa mga GSL Selection players. Samtang kita kaayo sa GSL Selection team nga positibo gayud ang ilang kadaugan. Sa pagsugod sa dula aduna usab dayon pari nga naumod ug napangus kini. Nakakuha ug unang puntos ang GSL Selection mao nasamot gayud ug kaluya ang mga fans niini. Apan pag-abot sa 4th quarter namawi na kini. Nakuha gayud ang kadaugan sa Davao Clergy team sa score nga 103-97. (Liz Gilbuena)