Pag-ampo nga Kinasingkasing

Ikakawhaan ug duha nga Dominggo sa Ordinaryong Panahon
Deut. 4:1-2, 6-8 / Santiago 1:17-18, 21-22, 27 / Markos 7:1-8, 14-15, 21-23

Karon ang ika-kawhaan ug duha nga dominggo sa ordinaryong panahon. Ang atong ebanghelyo karon nagpunting sa atong pamaagi sa pag-ampo. Unsa kaha nga klase sa pag-ampo ang mas motatak diha sa Ginoo? Ang tinuod nga pag-ampo mag gikan diha dapat sa atong mga kasingkasing ug dili sa bisan unsang external na pamaagi. Tinuod importante ang mga external na mga manipestasyon. Diha man gud sa external ato usab mapakita sa uban ang atong pagkarelihiyoso. Basin pa diay atoang madani ang uban. Atoa pong mapakita sa atong mga buhat ang atong mga gipangtuohan. Mao nga importante usab ang external.

Apan ang atong ebanghelyo karon nagpahinumdom kanato na dili nato hikalimtan ang internal. Kay ang pinaka importante ang internal nga disposisyon nimo sa pag-ampo. Tinuod ming sunod ka sa mga dos and don’ts sa imong gituohan apan ang imong kasingkasing lahi ang gipangita. Dili ba lain nagpiyong ka dira apan ang naa sa imong kasingkasing puno og mga kasuko, kalain, pagpandaot ug ubang mga butang, mga dili maayong motibasyon?

Mao kana nga kita gipahinumdoman karon ni Hesus na ang mabasa sa Ginoo mao ang unsa ang naa sa imong kasingkasing. Kung unsa ang mogula sa imong kasingkasing mao kana ang tinuod nga gusto sa usa ka tao. Ug kung unsa man kanang butanga ang manggawas mao usab kana ang basehan sa Ginoo kung unsa kalawom ang relasyon niya ngadto anang tawhana. Kay kung unsa ang naa sa imong kasingkasing mao kana ang mogula diha sa imong mga buhat. Timan-i walay epal diha sa pag-ampo. Walay “popularity or for photo op” na mga butang sa atong pag-ampo. Tanan dapat genuine ug tinuod. Asa kana makita? Diha sa kasingkasing.

Mao kana mga igsoon na kita gi-awhag karon na atoang unahon pag-andam ang atong kasingkasing kung kita magpadayag sa atong mga pag-ampo. Atong unahon og pahimutang ang atong kasingkasing usa kita mohuna-huna kung sakto ba ang atong postura, hand positions o uban pang mga external na mga manipestasyon sa pag-ampo. Akoang usbon importante ang external apan ang labaw na importante ang unsay sulod sa imong kasingkasing. Ayaw hikalimti ang external apan mas tagai ug duot o focus ang imong kasingkasing. Unaha ug hinlo imong kasingkasing human ang imong mga buhat mosubay lang kung unsa ang naa saa imong kasingkasing. Lisod kaayo ni kay dili ni atong naandan. Sanay man gud kita sa mga pag-ampo na mga verbal lang. Memorized prayers kumbaga apan wala diay sa kasingkasing. Lisod kini apan dili imposible. Unaha ug paminaw imong kasingkasing ug diha sa kasingkasing motumaw ang tinuod nga pag-ampo. Diha sa imong kasingkasing motubo ang imong relasyon diha sa imong Ginoo. Diha ang imong first encounter o unang himamat nimo sa imong Ginoo ug diha kana motubo ug molambo. Ug kung molambo na kana, motumaw na kana sa imong mga lihok ug mga postura ug mga pama-ba. Unaha ang imong kasingkasing. (Sem. Marvin Del Campo)