Kami Layko gimahal sa Ginoo

Diha sa akong pagka layko nagkadaiya ang akong naagian, sa trabaho, sa pamilya ug hilabina gayud sa akong pagpangalagad diha sa katilingban.

Kini ang hagit kanila, ang magtiayon nga si Vivian ug Owen Ferolino. Nag-alagad sila sa simbahan, (FLA and GKK Formator) ug sa ila mismong katilingban or GKK sa (25) na katuig. Si Vivian, usa ka Social Worker nga na assign sa Digos, Davao del Sur ug si Owen, usa ka Professor sa Davao Doctors College, bisan sa ka busy sa ilang mga trabaho gihatagan gihapon nila ug panahon ang ilang pagpangalagad.

Diha sa among pakighinabi, sila nalig-on sa mga pagsulay, diha sa ilang mga anak nga nagkadaiya ang mga pamatasan, sa trabaho nga conflict sa schedule ug panahon, sa mga kaubanan nga dili makit-an. Sila nagkanayun, “gisalig namo sa Ginoo ang mga buluhaton, diha sa iyang kabobot-on sayud kami siya na maoy mopaha-um. Diha sa grasya sa Ginoo, among suklian ang pagmahal niya kanamo pina-agi sa among pagserbisyo isip Layko.”

Tungod sa mga pagtulun-an sa simbahan sila nalig-on ug nakakat-on sa pagpaubos, pag-gahin sa panahon, talento ug kabtangan. Ug ilang gihandum nga maka evangelize ug makahatag sa mga pormasyon sa mga kaubanan diha sa katilingban nga nalihis ang dalan. Kini naghatag usab kanila ug kusug: Ang mga butang nga inyong giton-an ug inyong nadawat ug inyong nadunggan ug inyong nakita kanako, buhaton ninyo kining mga butanga, ug ang Dios sa pakigdait magauban kaninyo. (Philippians 4:9) (Rosalinda C. Jabonillo | SPC SoCCoM)