Amoris Laetitia gipasabot sa Diyosesis sa Digos

Gipamahayag ni Bishop Guillermo Afable, DD, ang Obispo sa Diocese sa Digos, nga miguwa sa pagpanubay ingon man sa survey nga gipahigayon diha sa matag Gagmayng Kristohanong Katilingban kon GKK ubos sa pagdumala sa Diocese, napamatud-an nga dakong bahin sa Kristohanong katilingban ang halayo sa pagsalmot sa kinabuhi diha sa simbahan, ingon man sumala pa nagpabilin na lamang diha sa kilid kilid o hilit nga bahin sa katilingban ug panagsa lamang makadawat sa pagtulon-an ug panalangin pinaagi diha sa simhanan tungod sa nagkadaiyang suliran nga gisagubang sa kinabuhi, butang na dakong pagpaningkamot ang gihimo sa Diocese pinaagi sa pagpangulo sa Obispo aron kini mahatagan ug aksyon.

Busa niadtong Agosto 30 hantod Septiyembre 1, 2018 adunay gipahigayon nga seminar sa Diocese sa Doña Aurora St., Digos City, Davao del Sur alang sa apostolado diha sa Family and Life Apostolate kon FLA nga gikan sa nagkadaiyang parokya. Gihisgutan ang mahitungod sa “Amoris Laetitia” mao ang apostolic exhortation ni Papa Francisco bahin sa kalipay ug paghigugma diha sa pamilya.

Sumala sa Obispo nga tumong ug katuyuan sa aktibidad sa pagpahayag niining kabag-uhan sa panlantaw mahitungod sa kaminyoon ug pamilya, ingon man tinguha nga mabag-o ang pag-alagad sa pamilya sa tagsa tagsa diha sa katilingban.

Sumala pa nga usa kini sa lakang diha sa pagpalambo diha sa pagtukod sa pamilya, ingon man ang mga naandan nga pamaagi madugangan aron mas maka tubag sa tinood nga kahimtang sa pamilya “ilabi na alang sa malambuon ug malipayon nga pagpuyo sa pamilya daghan ang mga pagtulon-an nga gisugyot ang Santo Papa sa Amoris Laetitia,” sigun sa Obispo.