Senior Citizen’s Discount ihatag sa katigulangan sa Malabog

Dakong tabang sa mga senior citizens sa ilang pamilya ang pagdawat sa ilang pension matag ika-3 ka bulan dinhi sa Barangay Malabog. Karong adlawa, Agosto 11, 2018, adunay 635 ka mga senior citizen pensioners nga nakadawat sa ilang pension. Hapsay ug maayo ang dagan sa pagrelease ug pagdumala sa CSSDO.

Gibati og kalipay ang usa ka asawa nga si Dominga Petere, usa ka Soccom Social Communications Ministry sa San Roque Parish, Malabog sa ilang GKK, nga niuban sa iyang bana nga si Alejandro Petere gikan sa sitio Kialaw ug usa kini ka Katoliko nga sakop sa San Roque Parish Malabog. Dako kaayong tabang para kaniya ang pagdawat sa iyang bana sa pension para sa ilang panginahanglanon sa ilang panimalay ug sa iyang anak sa kolehiyo sa iyang ipabaon.

Dugang pa niya nag-amot sila og 50 pesos back and forth gikan sa sitio Kialaw to sentro Malabog. Nagpasalamat siya sa taga CSSDO ilabina sila ma’am Cora Eborde, daycare worker, taga City Treasurer’s Office nga misaka gyud sa Malabog alang sa pag-assist ug pagrelease sa pension. Nagpasalamat pud siya kay Presidente Duterte nga gipadayon gihapon niya ang pagsuporta sa mga senior citizens. Nanawagan siya sa mga wala pa naapil sa grupo nga duol lang kamo sa Federation President sa sitio ug magpalista para maka avail sa mga benefits sa senior.

Si Rebica Dordas, usa ka President sa cluster 2 sa Malabog, aduna silay 67 members ug 60 nga naka-avail sa pension. Sa mga wala nakadawat hulat hulat lang mo kay kamo na pod na batch ang sunod nga makadawat.

Si Mercy Somoroy, usa ka Soccom sa SRP Malabog ug daycare worker, anaa siya karon ug trabaho pod nila kini alang sa pag-assist sa mga senior citizens sa Malabog. Ana pa siya nga maayo ang dagan karon hapsay ug well-desciplined ang mga senior sa pagdawat sa ilang pension. (Imelda Cajera Overiz, Parish SoCCom San Roque Parish Malabog)